Takk fyrir!

Ég þakka kjósendum í glæsilegu prófkjöri í Kraganum kærlega fyrir traustið og stuðninginn. Ég er að sjálfsögðu himinlifandi með fimmta sætið. Ég fékk örugga kosningu og var með þriðja mesta atkvæðafjölda í heild sinni, á eftir Katrínu og Þórunni. Þetta var æsispenndi prófkjör, fram á síðustu stundu. Frábær hópur. Listinn er virkilega sigurstranglegur að mínu mati. Fimmta sætið er baráttusæti, þannig að ég ákvað að hvíla mig í dag, svo ætla ég að taka upp gluggapóst síðustu vikna á morgun, hugsanlega opna Einkabankann ef ég þori, og taka til heima hjá mér. Laga sjónvarpið hennar Ömmu. Svo er bara að bretta upp ermarnar og hefjast handa. Fletta ofan af blekkingarleikjum Sjallanna. Sannfæra kjósendur um að Samfylkingin er eina aflið á Íslandi sem getur tekist almennilega á við verkefnin sem blasa við í íslensku þjóðfélagi. Nú megum við aðeins! Sigur í vor!

Athugasemdir

[Nafnlaus (IP-tala skráð) 5.11.2006 kl. 22:41]

Gangi þér vel og vonandi að þér takist ætlunarverkið!

[Fanney Dóra Sigurjónsdóttir, 5.11.2006 kl. 23:40]

Til hamingju með þetta... flottur kandídat á annars flottum lista

[Sindri Kristjánsson, 6.11.2006 kl. 13:39]

Til hamingju með baráttusætið. Nú er um að gera að berjast!

[Agnar Freyr Helgason, 7.11.2006 kl. 11:06]

Til lukku með glæsilegan árangur!