David Bowie í miðbænum

David Bowie er staddur í miðbænum núna. Ég sá hann áðan inni í Eymundsson við Austurstræti. Talaði ekki við hann. Félagi minn sagði mér að hann yrði til morguns, fer sjálfsagt á Óliver og þessa staði. 

Hann er minni en ég hélt.

Athugasemdir

[Júlíus Valsson, 1.4.2007 kl. 13:55]

Vá! Vonandi kemur einhver við hann! Var þetta ekki bara Davíð Oddson?

[Reynir (IP-tala skráð) 1.4.2007 kl. 14:09]

Ég sá hann líka í dag niðri í bæ. Ég fannst þessi maður alla vega ansi líkur Bowie en pældi ekki meira í því fyrr en ég las þetta blogg. Bowie er cool gaur.

[Rakel (IP-tala skráð) 1.4.2007 kl. 14:48]

aprílgabb???

[Jenný Anna Baldursdóttir, 1.4.2007 kl. 15:22]

Aprílgabb.

[Björg F (IP-tala skráð) 1.4.2007 kl. 15:59]

já en gott aprilgabb því ég gleypti alveg við því.. og hef verið að hreykja mér í allan dag við að ég hafi alltaf séð í gegnum öll aprílgöbb hingað til... 

Eða er þetta ekki annars aprilgabb?....

[Bragi Einarsson, 1.4.2007 kl. 16:17]

ö, ert þú ekki bara hærri en þú gerðir ráð fyrir?

[Úlfar Þór Birgisson Aspar, 1.4.2007 kl. 17:56]

Blessaður Gummi,en var hann samt ekki flottur kallinn þó lítill sé?

Virðingafyllst:Úlfar B Aspar.

[Hafliði, 1.4.2007 kl. 17:57]

Þetta er rosalega sérstakt, en án þess að vera ókurteis að ræða þetta, þá eru Mick Jagger og jafnvle John Lennon (mitt idol) einnig ekki bara smávaxnir heldur dvergar. Veit ekki hvort nokkur þessar þriggja náði (nær) 1.60sm.

[Kjartan Guðnason (IP-tala skráð) 1.4.2007 kl. 22:24]

Hæ Gummi, Diddi. Hef hitt kauða. Pínkulítill. Var það alla vega 1996 á Listahátíð. Gaman að drekka viský í hans boði. Ójá.

[Guðmundur Steingrímsson, 1.4.2007 kl. 23:50]

Jú jú. Gabb. En rétt hjá þér Diddi, pínkulítill er hann. Smánaggur. Ég rakst nefnilega einu sinni á hann á myndlistarsýningu í London. Hann vatt sér að mér og förunaut og fór að tala við okkur. Ég var of stressaður. Svitnaði á efri vör. Kom ekki upp orði.

Meiri vitleysan.

Förunautur spjallaði, enda fattaði manneskjan ekki hver þetta var.

Lá svo við yfirliði fyrir utan, þegar ég benti á staðreynd málsins, enda maðurinn gamalt átrúnaðargoð. Hún bara þekkti hann ekki. Hann er svo lítill.

Svona er þetta. 

Smánaggur.

En gabb samt, þetta. Vona að einhverjir hafi farið á Óliver.  

[Stígur Helgason (IP-tala skráð) 2.4.2007 kl. 03:24]

Þetta var ljótur leikur. Að senda fólk á Ólíver af öllum stöðum. Ekki það að ég hafi látið glepjast. Það þarf meira en einhverja gamla litla Breta til þess.

[Kristín Björg Þorsteinsdóttir, 2.4.2007 kl. 12:21]

Ég er sjúklega auðtrúa. Fann hvernig þrýstingurinn hækkað þegar ég las í Fréttablaðinu að selja ætti gersemar RÚV. En fattaði gabbið þegar ég las um uppboð. Trúði líka stolnu trjánum í Kopavogi. Ég trúði því líka fyrir mörgum árum að borgarstjóri - þá Davíð - ætlaði að færa Hljómskálann upp í Árbæ. Skítt með þó um steinhús væri að ræða...

[Björn Heiðdal, 2.4.2007 kl. 22:28]

Ég var einu sinni laminn fyrir að vera með smá aprílgabb.  Það þótti ekkert sérstaklega fyndið.  Bróðir minn þurfti að keyra tuttugu kílómetra til að laga leka heima hjá okkur eða svo sagði ég.

Hann tók þessu þó merkilega vel.  Sérstaklega í ljósi þess að það var 14. desember.

[Karl Tómasson, 3.4.2007 kl. 20:10]

Sæll Guðmundur þetta var gott aprílgabb. Ég var að því kominn að segja að hann væri nú samt örugglega stærri en Samfylkingin.

Kær kveðja K. Tomm.