Ef framsókn vill slíta

Ef framsókn vill slíta stjórnarsamstarfinu á grundvelli stjórnarsáttmálans einhvern veginn, á endaspretti samstarfsins, myndi ég gjarnan vilja benda á eina aðra leið til þess, sem mér finnst hreint ekki síðri en sú sem forysta flokksins hefur þegar stungið upp á...

Í stjórnarsáttmálanum stendur nefnilega í fyrstu grein að ríkisstjórnin ætli "að tryggja að jafnvægi og stöðugleiki ríki í efnahagsmálum þjóðarinnar."  

Það hefur, eins og alþjóð veit, bara alls ekki verið uppfyllt.  

Slíta á því, segi ég. 

Athugasemdir

[Helgi (IP-tala skráð) 5.3.2007 kl. 10:21]

Vildi bara hrósa þér fyrir frammistöðu þína í Silfrinu í gær, ég var 100% sammála þér í þessari klámumræðu. Gæti farið svo að ég kjósi bara Samfylkinguna. Vinstri græn(ir) eru á algjörum villigötum þessa dagana.

[Margrét Hómgeirs. (IP-tala skráð) 5.3.2007 kl. 11:20]

 

  Já Helgi ég er sko hjartanlega sammála þér.  Guðmundur var alveg frábær í Silfrinu meðan Sóley lét eins og gargandi krakki. Ég hef nú ávallt talið mig vera feminista en eftir að sjá  Sóley í Silfrinu þá hef ég ekki áhuga á því að vera undir sama hatti og hún.   Guðmundur þú ert mitt uppáhald þessa dagana.  Við skulum sjá hvort þú haldir athygli minni til 12 maí.   

[HE (IP-tala skráð) 5.3.2007 kl. 12:07]

Ég er sammála því að Guðmundur stóð sig vel.  Það versta er að hann er í röngum flokki.  Egill áttaði sig á þessu þegar hann sagðist hafa Guðmund grunaðan um að vera laumu-Framsóknarmaður.

Það hlýtur að vera erfitt fyrir annan eins prinsíppmann eins og Guðmund að vera í Samfylkingunni.  Hvorki ég, hann né almenningur getur áttað sig á því hvað Samfylkingin er að fara og hvert hún mundi fara ef hún fengi umboð kjósenda til að fara  með völd.  Þetta hlýtur sundum að valda Guðmundu áhyggjum.

[Heimir Lárusson Fjeldsted, 5.3.2007 kl. 14:37]

Það er gott lofið frá skoðanaskyldmennum, en er það hollt?

[nerdumdigitalis (IP-tala skráð) 5.3.2007 kl. 14:47]

Þú stóðst þig áætlega Guðmundur nema þegar þú misstir út úr þér þessi afglapa vitleysu um hagkerfið okkar sbr upptalninguna á staðreyndunum hjá Dharma hér að ofan. 

[Stefán (IP-tala skráð) 5.3.2007 kl. 14:51]

Framsóknarsauðir eru einu sauðirnir sem ekki eru leiddir til slátrunar ( því og miður )

Stefán

[Hlynur (IP-tala skráð) 5.3.2007 kl. 15:37]

Hvurs konar heigulskapur er það í þessum vitleysingi sem kallar sig Dharma að tala illa og niður til Dofra Hermansson á annarra manna heimasíðum. Þetta þykir mér afar lélegt komment herra eða frú Dharma.

[SkúliS (IP-tala skráð) 5.3.2007 kl. 16:08]

Þá spyr ég bara á móti Hlynur, hvers konar heigulsskapur er það í raggeitinni Dofra að neita því hreinlega birta erfiðar spurningar?  Ég fer ekki einu sinni fram á það að hafi einhver svör við þeim! Ekki frekar en ég reikna með að þessi flokkleysa sem hann mærir stöðugt komi með einhver svör og lausnir!  Það er búið að vera frekar vandræðalegt og hlægilegt að horfa upp á ykkur vinstrimenn bara neita að svara málefnalegum og erfiðum spurningum undanfarið og blokka menn og konur sem vilja fá svör við spurningum sem eru ykkur ekki að skapi.  Er þetta sýnishorn að þeirri "lýðræðislegu umræðu" sem koma skal ef, guð forði okkur frá því,  þið komist með puttana í ríkiskassann?

Annars verð ég að taka undir hrósið hérna með frammistöðu Guðmundar í Silfrinu...þú stóðst þig vel Gummi con grats.

Það hins vegar skein aftur í gegn málefnaþurrð talsmanna VinstriGrænna þegar þeir eru spurðir að einhverju öðru en náttúruverndarmálum...eins og ég hef alltaf haldið fram: um leið og þeir eru spurðir að einhverju öðru, fer allt í háaloft því að hugmyndasnauðin og afturhaldssemin skín í gegn hvert sem litið er. 

[Hlynur (IP-tala skráð) 5.3.2007 kl. 16:24]

"Ykkur vinstrimenn" Kemur einhversstaðar fram að ég sé vinstri maður?

Er ekki réttur hvers manns að svara ekki því sem þeir vilja ekki svara. Það hefur alla vega loðað við marga stjórnmálamennina.

Kjósendur þurfa síðan bara að meta sjálfir hvað liggur þar að baki.

En ég ítreka það sem ég sagði að ofan, það er ekki góð vísa að tala niður til manna á annarra manna bloggsíðum. Þetta svipar til þess að baktala menn, sem ég hef alltaf kallað heigulsskap og verður þannig í mínum huga hér efttir sem hingað til.

[SkúliS (IP-tala skráð) 5.3.2007 kl. 16:49]

Ef þú vilt fara í formsatriði, þá sé ég nú bara ekki að Dharma hafi talað illa um Dofra eða niður til hans. Sé ekki betur en að Dharma sé að ræða um skilgreiningu ýmissa Samfylkingarmanna á þessu hugtaki "umræðustjórnmál" og það hvernig þær koma sér fyrir sjónir.  Er það illt umtal eða baktal?  Og svo klikkar hann út með eigin hugleiðingum um ástæður þess að Guðmundur "leyfir" mismundandi skoðunum að koma fram á sinni síðu en Dofri ekki.  Sé bara ekki að Dharma hafi á neinn hátt ráðist að Dofra með illu tali né baktalað hann (ekki nema að þú haldir því virkilega fram að Dharma hafi átt að skrifa þetta á síðunni hans Dofra...þar sem búið er að loka á hann/hana?)

[Aron N.Þorfinnsson (IP-tala skráð) 5.3.2007 kl. 17:38]

Það yrði einn fyndnasti gjörningur stjórnmálasögunnar ef framsókn sliti stjórnarsamstarfinu og myndaði minnihlutastjórn út kjörtímabilið. Það yrði meiriháttar minnihlutastjórn.

Tekið eftir því að ágætur gestur síðunnar, Dharma/Haukur, fer hér reglulega á kostum og má ég til að stinga niður penna vegna skrifa hans þó ég megi mín lítils í samanburði við ofurskarpa hugsun og yfirgripsmikila söguþekkingu hans.  

Sú fullyrðing að við megum kaupa hvað sem er sé að þakka Sjálfstæðisflokknum en höft verið fyrir tilstuðlan vinstrimanna er að verða dálítil þreytt lumma. Höft á innfluttning áttu sér stað í um 30 ár, milli '30-'60. Skv. erindi Jóhannesar Norðdals af söguþingi 1997 voru höft í efnahagsmálum aðgerð til að bregðast við utanaðkomandi aðstæðum, heimskreppunni 1929, en hafði ekkert með hugmyndafræðilegan ágreining að gera sem er seinni tíma söguskoðun sennilega runnin af pólitískum rótum. JN segir í grein sinni að "Ásgeir Ásgeirsson, sem var frjálslyndur stjórnmálamaður, var fjármálaráðherra á þessum tíma og bar ábyrgð á setningu haftanna, og Sjálfstæðisflokkurinn, sem kom í stjórn undir forsæti Ásgeirs árið  eftir, gerði engar tilraunir til að breyta framkvæmd þeirra." Það var svo í tíð Viðreisnar sem það gerðist. Þannig af sömu rökfestu ætla ég að halda því fram að frelsi í viðskiptum sé fyrir tilstuðlan Samfylkingarinnar  (Alþýðuflokksins).

 "Ertu að leggja til að hið opinbera tryggi steindautt efnahagslíf? Viltu engan hagvöxt, enga verðbólgu, engar sveiflur?" Þessi þrætubókarlist er orðin voða þreytt. Er það skylda íslenska ríkisins að halda uppi atvinnu fyrir verkafólk í Kína eða Póllandi? Er það hlutverk hins opinbera að "tryggja atvinnulíf" (hvað varð nú um að treysta á frelsi einstaklingsins til athafna?)? Er efnhagsaðgerðir sem hækka verðtryggð lán um 5-10% á ári einhverntímann réttlætanleg í þjóðfélagi þar sem 80-90% þegnanna búa í "eigin húsnæði" ?

Kárahnjúkavirkjun er svo sannarlega fjárfesting. Öllum vonandi til léttis er þetta verkefni "Sem skilar svo hagnaði næstu áratugina. ". En til að setja hlutina í samhengi er framkvæmdin fjármögnuð á niðurgreiddum vöxtum vegna ríkisábyrgðar og raforkuverðið bundið heimsmarkaðsverði á áli. Ef Nostradamus segir að ál hækki þá kannski eigum við fyrir því að hreinsa draslið og græða upp drulluna þegar yfir lýkur. Það er tvennt sem ég treysti mér til að spá um. Annað er að við notumst ekki við öll þau sömu efni og við gerum í dag eftir 25 ár. Hitt, krafa um stækkun fyrir austan kemur fram innan 15 ára og þá verður þetta ekki einföld spurning um "vil ég álver eða ekki" heldur spurning um hagnað eða tap á fjárfestingum íslenska ríkisins í stóra steypuveggnum í Dimmugljúfrum.

[Óðinn (IP-tala skráð) 5.3.2007 kl. 17:43]

Guðmundur þú varst frábær í silfrinu.

ég gæti ekki verið meira sammála Dharma varðandi Dorfa nokkurn Hermannsson.

[Tómas Þóroddsson, 5.3.2007 kl. 19:16]

Þú varst mjög flottur í silfrinu og í kastljósi. Afhverju tók Sóley því svona persónulega þegar það var talað um að selja sig dýrt? kv Tommi

[Egill Rúnar Sigurðsson, 5.3.2007 kl. 19:55]

Stóðs þig frábærlega í silfrinu Guðmundur. var alveg sammála þér einkum hvað varðar klámumræðuna og efnahagsmálin.  Þessi skrif Dharma/Hauks fara stundum rosalega í taugarnar á mér.  Sérstaklega pirrandi þegar hann er að gera okkur Samfylkingarmönnum skoðanir sem eru í engu samræmi við raunveruleikan. Það hlítur að vera lágmarkskrafa að menn séu þokkalega málefnalegir og séu ekki að gera mönnum upp skoðanir eða með persónulegar svívirðingar á fólk.  Þá er engu líkara en að hann sé að leggja þig í einelti Guðmundur, þó ég efist ekki um að þú ert maður til að taka því og kippir þér ekki upp við það.  Held að blessaður maðurinn (Dharma/Haukur) mætti aðeins fara að skoða sínar öfgafullu og einstengislegu skoðanir aðeins.

[Guðmundur Ragnar Björnsson, 5.3.2007 kl. 20:20]

Það er grunnt á Framsóknarmanninum í þér nafni. Þú skilar þér heim þegar þú ert búinn að hlaupa af þér hornin og Framsóknarflokkurinn kominn á réttann kúrs sirka 5 gráður vinstra megin við miðju.

[Helgi Bárðarson (IP-tala skráð) 5.3.2007 kl. 21:42]

Já það er nefnilega það!!!

Stundum veit ég ekki hvort ég eigi að hlægja eða gráta þegar ég les kommentin hérna á þessari annars ágætu síðu.

Það er nefnilega eitthvað svo skrýtið við það að sjá fullorðið fólk vera í sandkassaleik.

En nóg um það... 

Upp á síðkastið þegar ég heyri þetta orð stjórnarsamstarf þá kemur svona óhljóð sem gjarnan er notað í spurningarleikjum þegar sá sem svarar spurningunni svarar vitlaust. Það sem ég á við er að ég get ekki séð að um nokkurt samstarf hafi verið að ræða. Fyrir mér er Framsóknarflokkurinn ekkert annað en einhverskonar pólitískt kítti sem notað er til að fylla uppí þegar vantar einhver nokkur prósent uppá meirihluta.

Núna virðist eins og kíttið sé að losna frá og sé að reyna festa sig við annan "vegg". 

Þakka aftur gott blogg, kveðja Helgi Bárðarson 

[Anna Benkovic Mikaelsdóttir, 5.3.2007 kl. 22:46]

ÆÆÆÆÆÆÆJJJJ...var að reyna að lesa þessar leiðinlegu athugasemdir!

...en eins og þú bendir réttileg á Guðmundur þá vill Framsókn ekki slíta samstarfinu, og er það æ betur að koma í ljós, sérlega eftir að "kaffibandalagið" bauðst til að styðja "Auðlyndafrumvarpið", sem allt átti nú að velta á? 

[Egill Rúnar Sigurðsson, 6.3.2007 kl. 00:37]

Skrif þín dæma sig sjálf Dharma/Haukur, persónulegar svívirðingar enn og aftur.  Hef ekkert á móti því að menn skiptist á skoðunum, svo fremi að það sé á málefnalegum nótum og menn færi einhver vitiborin rök fyrir máli sínu. 

[Guðmundur Steingrímsson, 6.3.2007 kl. 14:25]

Ég hef alls ekki verið talsmaður þess, Dharma, að líta fram hjá almennri neyslu þegar talað er um þenslu. Mér finst þú hins vegar líta fram hjá því að það er talað um aðgerðir ríkisstjórnar sem "þensluhvetjandi", þ.e.a.s. ríkisstjórnin hvetur til neyslu. Þar með verðbólgu.

90% húsnæðislán núna finnst mér t.d. ekki sterkur leikur. 90% húsnæðislánin sem giltu í eitt ár í upphafi kjörtímabilsins, og gengu svo til baka, voru það ekki heldur. Þau sprengdu upp neyslu. Sprengdu upp verð.

Góðærið undanfarið er með verðmiða á sér: 1300 milljarðar. Það eru skuldir þjóðarinnar. Markmið ríkisstjórnarinnar var því skiljanlega jafnvægi og stöðugleiki, því fátt gagnast skuldsettri þjóð betur. Þetta verkefni hefur hins vegar mistekist.

Fregnir af gjaldþrotum eru farnar að berast.

Stóriðja er eitt. En það er líka margt margt annað. Ríkisstjórnin ætlaði að grípa til mótvægisaðgerða til að sporna við þenslu. En niðurskurður til framkvæmda nam á endanum 0.03% af heildarútgjöldum, ef ég man rétt, og var mestmegnis á Norðvesturlandi.

Þarna mistókst ríkisstjórninni auðvitað að slá á þenslu. Það er augljóst. Hún vill halda partíinu áfram. Margir munu á endanum deyja brennivínsdauða í þessu svalli. Stóriðjur, ekki ein heldur þrjár, eru boðaðar á næstu árum.

Hverju þetta taumlausa hugarfar sætir er mér svolítið ráðgáta. Alls ekkert einfalt mál. Hvernig hægt er að grípa í taumana og koma á jafnvægi er gígantískt verkefni. Við höfum sett fram hugmyndir, sem við teljum virka. Eitt er morgunljóst: Sjálfstæðisflokki er ekki treystandi til þessa verkefnis, fyrst og fremst vegna þess að flokkurinn virðist ekki hafa áhuga á þvi. Honum er alveg sama, virðist vera (eins og um svo margt annað). Hann boðar bara meiri þenslu. Ég get a.m.k. ekki séð neina vísbendingu um annað.

Stýrivextir, munt þú þá segja, eru lausnin. En margir hagfræðingar hafa bent á að þeir virðast bitlausir sem stjórntæki.

Ég er sammála Aroni hér að ofan: Það er ábyrgðarhluti gagnvart svo skuldsettri þjóð að ríkisstjórnin skuli æ ofan í æ beinlínis gripa til verðbólguhvetjandi aðgerða, sem auka verðtryggða greiðslubyrði. Ríkisstjórnin hefur áhrif.

Og Egill, ég er sammála því að Dharma/haukur er stundum helvíti þver. Tönnlast á því sama. En mér finnst alveg ágætt, satt að segja, að vera svona daglegur áskrifandi  að mótrökum andstæðinganna.

Ég les af athygli. Sívaxandi tómahljóðið í málflutningi þeirra eykur mér bjartsýni.  Þrástefin eru orðin fölsk.

Ég þakka hrós fyrir Silfrið.

[Sigrún Lofts. (IP-tala skráð) 6.3.2007 kl. 16:09]

 

"ég kann ágætlega við að fá að stjórna mínu lífi sjálfur í friði fyrir pólitíkusum" 

 En merkilegt samt að þú getur ekki slitið frá pólitíkusum og látið þá í friði.  Ert búinn að commenta á við margar skáldsögur hérna inn . 

  það sem þú getur látið gamminn geysa... já manni blöskrar bara.  

[Helgi Bárðarson (IP-tala skráð) 6.3.2007 kl. 16:54]

Athyglisverð tölfræði: 

Ef tekið er saman það sem Dharma hefur skrifað og borið saman við það sem allir aðrir hafa skrifað, þá er Dharma búin að skrifa 4 blaðsíður + 2 línur á meðan allir aðrir hafa skrifað 3 blaðsíður + 2 línur.

I ræðum Dharma kemur orðið samfylking 29 sinnum fyrir meðan að sjálfstæðisflokkur kemur einungis 5 sinnum fyrir (Gefið að engar stafsetningarvillur séu í textanum) -> ályktun: Jaaa það getur hver og einn gert fyrir sig.

Það sem mér dettur nú samt oftast í hug byrjar einhvern veginn svona: Glymur hæst í..... 

[Óðinn (IP-tala skráð) 6.3.2007 kl. 17:11]

Það er bara einn flokkur sem vill stjórna lífi fólks með boðum og bönnum og það er forræðishyggjuflokkurinn.
Samt má segja að það séu margir innan sf sem eru ansi nálægt þessari hugsun að telja sig eiga að ráða fyrir fólkið eins og framkvæmdastjóri þingflokks sf sem telur sínar skoðanir þær einu réttu.
Guðmundur hefur sannað að þarna fer einn leiðinlega skemmtilegasti pólitíks sem hefur komið fram á sjónarsviðið í mörg ár, hans er framtíðin.
Hann á góða möguleika að ná langt í Framsóknarflokknum :) við þurfum menn eins og Guðmund og Guðna á þing.

[Dofri Hermannsson, 7.3.2007 kl. 00:01]

Ágæta samkoma.

Hafði nú ekki hugmynd um að það vekti svona heitar tilfinningar hjá Dharma að ég afþakkaði að vera áskrifandi að pistlunum hans. Hvað þá að öðrum þætti það markvert.

Til að virða þær fínu tilfinningar skal upplýst að ástæður þess að ég vildi gefa Dharma frí frá skrifum á heimasíðu mína voru ekki að hann skrifar alveg óttalegar langlokur, sem mestan part eru mótsagnakenndar og bíta í skottið á sjálfri sér. Ekki heldur sú staðreynd að Dharma spyr aftur og aftur sömu spurninganna og gildir einu hversu ítarlegt svarið er. Það er nefnilega alveg sjálfsagt að taka við öllum slíkum athugasemdum og þrasi þótt ómálefnalegt sé.

Það sem er verra og mér finnst sjálfum mér ekki til sóma á minni heimasíðu er þegar Dharma missir sig út í persónulegt skítkast um fólk. Og þar sem þetta er mín heimasíða og þar sem ég vil ekki að hún sé notuð til að skíta fólk út með ómaklegum hætti af einhverjum sem kallar sig Dharma þá finnst mér bara alveg sjálfsagt mál að afþakka það fróma framlag til ómálefnalegrar umræðu. Lái mér hver sem vill!

Mér finnst Dharma hafa dálitlar ranghugmyndir um sig og skoðanir sínar þegar hann telur sér úthýst vegna skoðana sinna. Öðru nær. Ég fagna skoðunum hans, rétt eins og annarra, sérstaklega þegar þær eru settar fram með sæmilega málefnalegum hætti. Þetta held ég að flestir sjái sem lesa bloggið mitt því þar fara iðulega fram mjög skemmtileg og fjölbreytt skoðanaskipti.

Tal Dharma um Umræðustjórnmál segja kannski allt sem segja þarf. Dharma - það eru Samræðustjórnmál sem við viljum ástunda.

Það er tvennt ólíkt að "tala saman" eða "tala um" - sérstaklega þegar maður verður um of upptekinn af að "tala illa um" fólk. Jafnvel fjarstatt fólk.

Ef þú getur lært muninn á þessu tvennu og haldið þig við málefnin og látið persónulegt níð eiga sig þá ertu velkominn á heimasíðuna mína hvenær sem er - annars skaltu frekar sleppa því. Því lífið er of stutt - fyrir illt umtal.

Allt í góðu,

Dofri Hermannsson

[Hákon Hrafn (IP-tala skráð) 7.3.2007 kl. 13:59]

Ég blanda mér í þetta líka þar sem ég (óskráður) má ekki skrifa lengur á bloggið hjá Dofra. Munurinn á Dofra og Guðmundi liggur kannski helst í því að Guðmundur svarar yfirleitt  beint þeim spurningum sem fyrir hann eru lagðar en mér finnst Dofri víkja sér full oft undan því að svara beint því sem spurt er um.
Það er auðvitað bara mín skoðun og eflaust finnst Dofra hann vera að svara því sem spurt er um þó ég finni ekki svarið í svarinu. Þó mér hafi dottið netlögga í hug þegar Dofri lokaði á Dharma og óskráða notendur þá getur það líka virkað sem áminning um að þeir sem kommmenti skuli haga sér sæmilega vel. Þeir einstaklingar sem gefa sig í stjórnmál verða að þola óþægilegar spurningar. Skítkast og persónuleg níð eiga ekki að sjást í athugasemdakerfinu og því sjálfsagt að loka á slíkt ef það kemur upp.

Svo eftir kosningar verða allir hættir að blogga og búnir að gleyma þessu :)

Að lokum vil ég hrósa Guðmundi fyrir málefnalega umræðu í Silfrinu.