Sauðfjársamningurinn er verðtryggður

Var að lesa mér til skemmtunar sauðfjársamninginn. Er jafnvel að spá í að binda hann inn og gefa hann nokkrum ungum Sjálfstæðismönnum vinum mínum, sem einna helst hafa talað sig hása í gegnum tíðina um nauðsyn þess að draga úr ríkisbákninu og afskiptum ríkisins af frjálsum markaði... 

Það er búið að auglýsa þennan samning sem 16 milljarða greiðslu til sauðfjárbænda. Undir lokin á samningnum kemur hins vegar í ljós að þessi upphæð er mun hærri, enda verða auðvitað allir góðir brandarar að hafa punchline. Samningurinn er verðtryggður:  

"Allar fjárhæðir í samningi þessum skulu miðaðar við verðlag samkvæmt vísitölu neysluverðs 1. janúar 2007, sem var 266,2 stig, og taka breytingum mánaðarlega þaðan í frá samkvæmt vísitölu neysluverðs."

Fjári gott. 

Athugasemdir

[Brosveitan - Pétur Reynisson, 29.1.2007 kl. 14:38]

Þetta er eiginlega merkilegt fyrirbæri.  Ekki bara hér á landi heldur í öðrum löndum einnig.  Eru bændur í útrýmingarhættu eða hitt, sterkt kjósenda afl sem ekki verður litið fram hjá?  Ég hallast að hinu síðar nefnda.

Gefum þeim 5 ár í viðbót í aðlögunar tíma og svo hættum viöð að vorkenna þeim.  Takist á við sama veruleika og ótal aðrar starfsgreinar glíma við.

[HS (IP-tala skráð) 29.1.2007 kl. 15:17]

Mamma mía... og það er heimilt að geyma fé milli ára? Sem Bændasamtökin meiga síðan ráðskast með? 

Varðandi SUS:  Kaldhæðnin er engu lík! 

Þetta slær nú Eilífri hamingju við í svartri Kómík. 

[Sigríður Laufey Einarsdóttir, 29.1.2007 kl. 16:24]

 Góður samningur til bænda. Algjört skilyrði  til að hægt séganga í ESB í framtíðinni. Fiskimiðin geta heldur aldrei orðið gjaldmiðill til að ganga í ESB. Þeir sem ekki eru svo mikli íslendingar að geta ekki skilið þessi tvö atriði ættu bara að flytja af landi brott.

[Guðmundur Jónas Kristjánsson, 29.1.2007 kl. 17:50]

Kratar hafa aldrei skilið út á hvað ÍSLENZKT samfélag gengur.
Enda með hug allan suður  í Brussel.

Já, hvers vegna flytjast þeir ekki þangað, það litla sem er að verða
eftir af þeim?

[Bragi Einarsson, 29.1.2007 kl. 17:52]

Góður brandari er þess eðlis að maður hlær dátt og gleymir honum síðan þar til maður þarf á honum að halda við gott tækifæri. Þessi "Brandari" á eftir að voma yfir okkur um langann tíma og mér er ekki hlátur í hug! Mér finnst þetta vera sorgleg þróun og ekkert annað en kosningavíxill á næsta kjörtímabil. Og Guðni "rolla" ber ábyrgðina auk Dýralækninum Mr. M.

Svei! 

[Gunnlaugur Þór Briem, 29.1.2007 kl. 19:42]

Gætu Sigríður Laufey og Guðmundur Jónas komið sér saman um það hvort ESB er andstætt „ÍSLENZKU samfélagi“ og sauðfjárveitingunni, eða liður í því að vera „mikill íslendingur“ og réttlæta sauðfjárveitinguna, og svo náðarsamlegast tilkynnt okkur óverðugum og brottrækum gervilöndum þeirra niðurstöðuna?

Svo er í boði Tolkientúlkun á sauðfjárveitingunni.