Opna kosningamiðstöð - Allir velkomnir

Í dag laugardaginn 28.október (ég er 34 ára í dag, btw) opna ég kosningamiðstöð -- Gummavinnustofu --að Strandgötu 43 í Hafnarfirði. Svo skemmtilega vill til að þetta er rauða húsið sem Samfylkingin er líka með skrifstofur í. Ég er á annarri hæð, gengið inn baka til. Um er að ræða íbúð sem er tilbúin undir tréverk. Í henni er rafmagn, en að öðru leyti skulum við segja að hún sé eins og Ísland, full af spennandi möguleikum. Boðið verður upp á ljúfar veitingar milli 16 og 19. Frambjóðandi spilar kannski á nikku og heldur ræðu.

Athugasemdir

[Guðmundur Steingrímsson, 28.10.2006 kl. 00:50]

Ég rölti nú bara inn í fasteignasöluna Draumhús við Strandgötu og spurði hvort einhvers staðar væri laust rými við götuna. Hún Gréta þar var svo hugmyndarík að benda mér á það, að þar við hliðina, í þessu rauða fyrirtaks húsi væri jú íbúð tilbúin undir tréverk, ef ég sætti mig við það. Bara rafmagn. Ekkert vatn. Enginn hiti. Eg hugsaði að það væri bara stórfínt, hringdi í verktakann/eigandann og gekk frá dílnum. Semsagt: Enginn klíkuskapur hér á ferð, enda á Samfylkingin ekkert í þessari íbúð þótt hún sé á neðri hæðinni. En ég fæ kannski að nota klósettið þar, ef þarf. Og ég er búinn að semja við Draumahús að skaffa mér vatn í kaffikönnuna.

[Guðmundur Steingrímsson, 28.10.2006 kl. 00:51]

Ég held líka að þú sért að misskilja aðeins með það að þetta sé húsnæði sem eigi að nota í annað. Þetta er semsagt íbúð á annarri hæð, sem stendur óseld. Þetta er auðvitað ekki skrifstofa Samfylkingarinnar. Það væru nú aldeilis.

[Jens Sigurðsson, 28.10.2006 kl. 03:05]

Til hamingju með daginn :-D

Ég er að finna til upphlutinn og kem á dansskónum!

[Gauti Eggertsson (IP-tala skráð) 28.10.2006 kl. 05:12]

verst að maður er fastu í bandaríkjum. hefði verið til í að taka nokkur spor með nikkunni. svo sýnist mér þér vanta handlagna menn ef þetta er rétt tilbúið í tréverk. gangi þér vel. gvend á þing -- gauti