Yoko

Sagt er að Sjallarnir séu brjálaðir út í Yoko Ono. Fyrst splundrar hún Bítlunum og nú þetta...  

Önnur vinkona benti mér á gott grín: Endurgerð 3G auglýsingar Símans. Sjálfstæðismenn samankomnir í Höfða. Við langborð. Villi hringir í Björn Inga. "Blessaður meistari" segir Björn. "Við erum hér, hvar ert þú?" spyr Villi...   etc. etc.  

Það má hlæja að þessu. 

Ég brosi alla vega.  

Til hamingju með nýjan borgarstjórnarmeirihluta gott fólk!

Ferskir vindar munu blása í Reykjavík. 

Athugasemdir

[Egill Harðar (IP-tala skráð) 12.10.2007 kl. 09:40]

Það besta við þetta allt saman er að loksins gerðist eitthvað. Þetta er í fyrsta skipti í langan tíma sem menn fá ekki að komast upp með það að vaða yfir allt á skítugum skónum í skjóli vald síns.

[Hlynur Hallsson, 12.10.2007 kl. 09:44]

Já þetta er gott, þetta er frábært! Óskandi væri að Samfó á Akureyri drattaðist til að slíta ömurlegu samstarfi við Sjallana og myndaði vinstristjórn með VG og Oddi Helga. Maður fyllist nýrri von eftir atburði gærdagsins og hlægilegra lið en Gísla Martein og félaga hef ég ekki séð lengi...múhhaaahaaa. Teknir í bólinu og svona fúlir. Bestu kveðjur frá Berlín (þar sem Samfó (SPD) og Vinstriflokkurinn (Die Linke) stjórna í meirihluta af stakri snilld,

[Jóhann Steinar Guðmundsson, 12.10.2007 kl. 12:36]

ekki kannski ferskir.

[NN (IP-tala skráð) 12.10.2007 kl. 17:10]

Ekki gleyma að Björn Ingi er bara lasinn heima í flensu.   Hann byrjaði sem fjórða hjól  - afturhól vel að merkja - undir borgarstjórnarvagni Sjálfstæðismanna og var orðinn eina framhjólið að lokum.  Núna er hann orðinn fjórða hjól - afturhjól vel að merkja - undir félagshyggjuvagninum í Borgarstjón en....bíðið bara eftir að hann hressist af flensunni.  Það skiptir ekki öllu hvort vinstrimenn eða hægrimenn stjórna borginni.  Fyrir borgarbúa skiptir öllu að það takist að einangra Björn Inga og koma í veg fyrir að hann fái ráð yfir einhverjum af fjármunum og eignum borgarinnar.  Björn Ingi er einn af drengjunum sem ólust upp í Framsókn hjá Halldóri Ásgrímssyni og Finni Ingólfssyni og þeir vita ekki hvað siðferði er.

[Ingi Geir Hreinsson, 12.10.2007 kl. 17:53]

Góður, hún er skaðræði þessi Yoko Ono.

[Árni Gunnarsson, 13.10.2007 kl. 00:22]

Ekki get ég borið í brjósti miklar væntingar til þessa samstarfs. Ég er þeirrar skoðunar að stjórnstöð Reykjavíkurborgar hafi annað og stærra hlutverk en það að vera barnaleikvöllur.

Borgarstjórnarmeirihluti er myndaður í skúmaskotaplotti og einu pólitísku markmiðin eru í upphafi þau að skipta með sér þeim stöðum sem metnaðarfyllst eru. Það er eftir að afgreiða það mál sem leitt var af Birni Inga og fulltrúi VG kærði til dóms. Það bíður seinni tíma að taka ákvarðanir um framhald þeirrar vinnu sem fyrri meirihluti hafði undirbúið og sett í gang. Og síðan á þessi meirihluti að hanga saman á samvinnu við m.a. pólitískt jafnvægisskyn Margrétar Sverrisdóttur.

Enginn má taka orð mín svo að ég gráti örlög frjálshyggjuaflanna sem ég vonast eftir að sjá hverfa út í yztu myrkur. (Mér finnst ég verða að nota zetuna þarna til áherzlu.)

Og sannarlega vona ég hið besta um þetta samstarf.  

[Þorbjörn (IP-tala skráð) 17.10.2007 kl. 14:30]

Til hamingju með djobbið.

[Sævar Helgason, 17.10.2007 kl. 17:43]

Árnaðaróskir með nýja starfið við hlið borgarstjóra Reykjavíkurborgar, Dags B Eggertssonar...vonandi færðu frí þar svona dag og dag til að sinna þingmennskunni í fjarveru hinna kjörnu ...það er mikið að gerast þessa dagana og allt í góða átt.

[Gísli Baldvinsson (IP-tala skráð) 17.10.2007 kl. 18:14]

Dittó hamingjuóskir héðan frá Akureyri. kv   gb

[Óðinn Þórisson, 18.10.2007 kl. 17:18]

Enginn málefnasamningur - engin framtíðarsýn - vonandi þorir dagur að taka ákvarðanir ólík bæjarstjóranum í hfn.

[Guðjón Sigþór Jensson, 18.10.2007 kl. 17:51]

Ætli það hafi ekki verið þessi stjórnlausa efnishyggja sem sundraði meirihluta Sjálfstæðismanna með fulltrúa Framsóknar?  Allt hefur verið á bullandi fart í þá stjórnlausu átt: beint af augum inn í glórulausa eignasöfnun?  Bankarnir fóru fyrir lítið,  síminn og tryggingafélagið VÍS nánast í trölla höndum og hvað fleira? Hvað verður næst? Landsvirkjun? Kannski Impregíló taki hrienlega Landsvirkjun upp í skuld!

Nú eru öll góðu fyrirheitin gleymd, hvert fóru t.d. símapeningarnir? Átti ekki e-ð af þeim að renna í Sundabrautina sem nú hefur verið slegið enn eitt árið á frest! Og hvað með þetta fína HÁ-tæknisjúkrahús? Flestir vildu sjá ósköp venjulegt sjúkrahús sem sinnt gæti þeim þörfum þjóðfélagsins sem mest knýja á. Var kannski verið að spékúléra í HÁ EFF sjúkrahúsi einungis fyrir nýríku Nonnana? Þá nýríku sem geta í nánustu framtíð kannski geta leyft sér þann lúxus að verða sjúkir? Efnishyggjan vill láta hina éta það sem úti frýs!

Er verið að hafa kjósendur á Íslandi að fíflum?

Mosa sýnist að margt bendi til þess.

Mosi - alias

[Ómar Ragnarsson, 19.10.2007 kl. 23:28]

Ég vil nota þetta tækifæri til að senda árnaðaróskir til eiganda þessarar heimasíðu með nýtt og krefjandi verkefni í pólitíkinni og þakka fyrir síðast í Kringilsárrana.

[Elín Katrín Rúnarsdóttir. , 21.10.2007 kl. 11:09]

Sunnudagur til sælu fyrir þig

[spritti (IP-tala skráð) 22.10.2007 kl. 22:21]

Mér fannst nú Sjallarnir standa sig ágætlega í borgarstjórninni þrátt fyrir orkuveituvesenið. Já Guðmundur sjáum hvort R-lista hreppsnefndin geri betur.