Blörraður sannleikur

Eftir nýjasta tvistið í Byrgismálinu er algerlega óvíst að maður hætti sér í frekara blogg um það, enda málið allt orðið hið eldheitasta og margir ásakandi fingur á lofti.

Kompás sakar forstöðumann um kynlífs- og fjármálaóreiðu. Forstöðumaður sakar Kompás um að díla með dóp. 

Blörraðir karlmannslimir dingla á báðum sjónvarpsstöðvum. 

Maður veit ekki hvað maður á að halda, þótt vissulega telji maður sumt líklegt og annað ekki. Ég held samt það sé óhætt að segja að á þessu stigi sé sannleikurinn eins og limirnir. Blörraður.

Athugasemdir

[Kristján Sig. Kristjánsson (IP-tala skráð) 20.12.2006 kl. 09:13]

Kynlífsóreiða!!!?? Hvað er kynlífsóreiða?

[Salvör Kristjana Gissurardóttir, 20.12.2006 kl. 12:02]

Skáldleg og skemmtileg líking með sannleikann. Ég held nú reyndar að hann sé alltaf blörraður. Það eru þeir sem lýsa honum sem nota alls konar tól og tæki til að skerpa hann, snúa honum og setja á alls konar effekta svo við sjáum það sem þeir sem halda um tólin vilja að við sjáum.  

p.s. Með tólum á ég að sjálfsögðu við verfæri eins og Photoshop, það er vissara að taka það fram  á þessum völsadýrkunartíma í íslensku pressunni. 

[Birna M, 20.12.2006 kl. 12:31]

Það hefði nú erið hægt að blörra þetta betur í Photoshop, þetta var bara pixlað, sást vel hvað þetta var. En myndskilaboðin umræddu, ég efast um að það hefði verið hægt að Photoshoppa þetta svona vel. Það fór ekki á milli mála að þetta var ekta.

[Sigurður Þór Guðjónsson, 21.12.2006 kl. 13:56]

Vonandi fara þeir nú bráðum að birta sannleikann óblörraðan með fullri reisn.