Þingvísur

Ort í hita leiksins í þingveislu 29.febrúar 2008

Þegar ég heyrði af veislunni, vá!
Ég vissi að þær eru fágætar.
Faðir minn þetta sagði mér þá:
“Þingveislur, þær eru ágætar.”

-----------------
Nú veislan er orðin voða heit
vá!, ég er fullur, glaður.
Ég er eins og alþjóð veit
aðeins varaþingmaður.

Mér finnst að þingmennskan felist í því
að fara inn í þingsal og tékka
hvort pontunni standi ekki örugglega í
Álfheiður Inga.
---------------------
Um framsókn að gefnu tilefni:

Ýmislegt þarna einmitt bilaði,
árans fylgið hrapaði
Formaður Framsóknarflokksins spilaði
með fylgið póker og tapaði.

-------------------- 

Guðni svaraði:

Þegar ég heyri þína röddu góði
þá græt ég yfir svikarokknum.
Þú ert blóð af okkar blóði,
-          og brot af flokknum.
 
Önnur útgáfa:

Er til þín ég heyri Guðmundur góði
þá græt ég en fyllist djöfulmóði.
Þú sem ert blóð af okkar blóði
borinn í flokkinn okkar góði.

--------------------
Svar (framburður krefst flámælgi):
 
Agalegt, farinn er flokkur
fúinn er maddömustrokkur.
Ég veit að ég yfirgaf ekkur,
og… nú, Guðni, skipið sekkur.
 

-----------------
Að síðustu:
 
Gott er að eiga stund án REI
hver einasti þingmaður yrkir.
Efnahagslífið er ekki OK
sá eini sem græðir er Birkir.