Eitt skemmtilegt kvót úr stefnuyfirlýsingu ríkisstjórnarinnar

Hér er ein skemmtileg tilvitnun úr stefnuyfirlýsingu ríkisstjórnarinnar frá 2003. Efst á blaði yfir markmið ríkisstjórnarinnar er þetta:

"Að tryggja að jafnvægi og stöðugleiki ríki í efnahagsmálum þjóðarinnar."

Ekki það að ég mæli með þessu sérstaklega sem lesefni, en það er samt alltaf gott að rifja aðeins upp. Svo er þetta líka prýðilegt plagg til að sofna við, fyrir þá sem eiga erfitt með það. 

Það er athyglisvert  hvað þetta orð, "stöðugleiki", er algerlega horfið úr orðræðu ríkisstjórnarflokkanna, eins og það var mikið tekið. Nýjasta orðið er hins vegar "pólitískur stöðugleiki", hvað sem það þýðir. Ég er farinn að heyra það talsvert notað.  

Athugasemdir

[Bragi Einarsson, 31.1.2007 kl. 09:39]

eins og þið munið, þá var þessi svokallaði stöðuleiki eingögnu fyrir ákveðinn þjóðfélagshóp. Og þessi ákveðni þjóðfélagshópur borgar ekki skatta, þ.e. útsvar og fl. aðeins 10% fjármagnstekjuskatt og ekki má gleyma að fyrirtæki og bankar hafa eiginlega einir fengið að njóta hins svokallaðra hagsældar. Hinir hóparnir, þeir láglaunuðu, aldraðir, öryrkjar sitja eftir og þeir eru fjölmennari en þessi hópur sem borgar bara 10% í fjármagnstekjuskatt!

[Andrea J. Ólafsdóttir, 31.1.2007 kl. 10:50]

Já það er alveg merkilegt þegar maður heyrir ennþá sömu gömlu og úreldu tugguna um "stöðuga og trausta efnahagsstjórn XD". Þetta er nú meira ruglið. En fólk virðist sumt ekki sjá sannleikann, eða raunveruleikann eins og hann blasir við þeim. Þetta er svona pínu eins og Kókakóla auglýsing sem hefur bara verið tuggin nógu oft þannig að þú kaupir þér kók og verður háður jafnvel þótt þér finnist það ekki gott og vitir fyrir víst að það er að fara illa með þig. :)